Grupo municipal dos socialistas de Santiago

Noticias

NOTA DE PRENSA

O grupo municipal socialista lamenta profundamente o pasamento da muller apuñalada o pasado venres en Santiago e esixe máis medios económicos e humanos contra a violencia machista

18/12/2017

O Grupo Municipal Socialista quere facer público o seu fondo pesar pola morte da muller que o pasado venres foi apuñalada en pleno centro de Santiago pola súa ex parella, ao tempo que traslada as súas condolencias á familia e entorno da vítima.
O grupo socialista, así mesmo, amosa o seu "total" rexeitamento a todo tipo de violencia contra as mulleres, que se está a convertir "na auténtica lacra do século XXI". A este respecto, o seu voceiro, Paco Reyes, subliña a necesidade de poñer enriba da mesa "todos os recursos que estean ao noso alcance" para poñer fin á violencia machista e, ademais de lembrar a necesidade de activar un Pacto de Estado non só a nivel nacional, senón tamén autonómico, considera fundamental o incremento de medios económicos e humanos para loitar dun xeito transversal e integral contra as agresións de calquera índole contra as mulleres.
Nesta liña, lembra a moción presentada polos socialistas o pasado xoves no pleno adiante, e que finalmente saiu adiante ao recibir o apoio de CA, na que se pedía o incremento de axentes de Policía Nacional en Santiago, argumentando, entre outras razóns, que a situación actual do cadro de persoal está a elevar dun xeito considerable o tempo de atención ás vítimas por violencia machista en caso de chamada de auxilio.

Volver




PAZO DE RAXOI. Praza do Obradoiro. 15705 Santiago de Compostela. psoe@santiagodecompostela.org